শিন্দম-শিন্থাশঙগী পাউজেল
মীওইপোক অমদা ঈশ্বরনা হীরম অমা নৎত্রগা অমদা খূৎ-শা
হৈবগী শিনফম অমা পাঙবা ঙম্নবা মতীক-মঙন অসী পীনবিরকই। কনাগুম্বা খরনা খঙনা অমসুং
চুম্না চৎখিদুনা খূৎ-শা হৈবগী শিনফম অমদা পুন্সী নুঙাইনা হিংবা ফংখি, ইমুং-মনুং
পুখি, মচা-মশূশিং য়োক-থাকখি। কনাগুম্বা খরনা মশাগী হৈ-শিংবা মায়গৈ অদু চুম্না
শীজিন্নবা ঙমখিদদুনা নৎত্রগা শীজিন্নহৌদদুনা নৎত্রগা খঙহৌদদুনা অৱা-অনা অমসুং
লৈত-লায়রা মায়োক্নখি। খরনা শীজিন্নফম খঙদবা অদুগা খরনা শীজিন্নফম লৈতবা, খরনা নীংবা
কায়দুনা শীজিন্ননীংদবা কয়া অমসু ঐখোয়গী ঈরক্তা লৈমিন্নরি।
পুন্সী হায়বসী হিংবা তারবদি ইশাগী ওইবা, মীপান
তাংদবা শেন্মীৎলোনগী মশক অমা লৈজবা চঙই। মদুগীদমক সরকারগী অমদি লন্নাইগী ওইবা থবক
কয়া তৌদুনা শেন্থোক লম্বী অমা লৈনবা হোৎননরি। শেন্থোক লৈতবা পুন্সী অমদগীদি
শেন্থোক লৈজবা পুন্সী অমনা হেন্না মকা লাম্না, খুরৌ হন্থনা হিংবা ফংই হায়বা ঐখোয়না
খঙই। অদুগা ঐখোয়না মসীমসু খঙই মদুদি সরকারগী থবকখক্তনা অমত্তা ঙায়রবা শেন্থোক অমদি
শেন্দান লম্বী অমা নত্তে, খূৎশা হৈবগী মায়গৈদা লৈবা শিনফম অমনা নৎত্রগা অমনসু শেন্থোক
অমদি শেন্দান লম্বী ওইবা য়াই লোয়ননা পুন্সী অসী মকা লাম্না, মীপান তাংদনা হিংবা
য়াই।
রুরেল একাদেমি ওফ সেল্ফ এমপ্লোইমেন্ট (RASE)না লমদম
অসীগী মীয়ামদা শেন্মীৎলোনগী ওইবা অনৌবা অহোংবা অমা পুরকপা পাম্বগী পান্দমদা
তোঙান-তোঙানবা প্রোজেক্ট কয়া পায়খৎচনবা শেম শাজরি। কনাগুম্বা, খূৎশা হৈবগী ওইবা
হীরম অমদা মশাগী পুন্সী কোন্নবা শিনফম ওইনা শেন্দান লম্বী শেমজবা পাম্বা পূম্নমকপু
তরাম্না ওকচরি। উনবিদুনা হীরম অমা নৎত্রগা অমদা মতেং পাংজবা য়ানবগী খুদোং চাবা অদু
পীনবিয়ু।
থৌরাংজরিবা প্রোজেক্ট ময়ামগী মনুংদা ‘প্রোজেক্ট
মালেম’ হায়না মিংথোনবা ফি-শাবগী প্রোজেক্ট অসীনা অহানবা ওইনা পায়খৎচনবা শেম শাজরি।
প্রোজেক্ট অসীগীদমক লং মেৎপা, লংচাক চাকপা, ফি হৌবা, শূনা খনবা, ফি শাবা (হেন্দলুম
অমসুং পৱারলুম), ফি থেনবা অমসুং ফি য়োনবগী মশঙশিং তোঙান-তোঙান্না লৈগনি। মরম অদুনা
মশঙশিং অসীগী পামজবা অমদা য়াওবিদুনা শেন্দান লম্বী অমা শেম্বীয়ু হায়দুনা মীপূম
খূদিংমক্তা পাউজেল অসী থমজরি।
রুরেল একাদেমি ওফ সেল্ফ এমপ্লোইমেন্ট (RASE)না,
শিনফম অমা পায়জরগা মরোমদোম লেপচবা পাম্বা লমদম অসীগী মীরোলবু তোঙান-তোঙানবা হীরম (মেক-অপ অমসুং ব্যুটি পর্লরগী থবক, পোলোয় তূবা,
ফি-লোনবা, ফি তূবা, টাৎ অমসুং পৱারলুমদা ফি-শাবা, জকার্ট শীজিন্নদুনা ময়েক থোকপা
তম্বা, রুমাল লোনবা অমসুং অতৈ লৈত্রেংশিং শাবা, প্লাষ্টিককী পোৎলমশিং শাবা,
আগর্বতি শাবা অমসুং পেকেটিং তৌবা, উয়েন পুথোকপা, ঙা য়োকপা, য়েন লোইবা, উ-শূবা, ৱেল্দিং
শূবা, এলুমিনিয়ম ফ্রেম চনবগী থবক, রাজমিষ্ট্রি শূবা, কম্প্যুটর হার্দৱ্যের অমসুং
সোফ্টৱ্যের অসীনচিংবা) গী ট্রেনিং কয়া ফংহন্নবা হোৎনজগনি। এন্টর্প্রেনর্সিপ (entrepreneurship)কী মতাংদা ৱাখল তামিন্ননবা হোৎনবগা লোয়ননা পায়খৎলক্কদবা মখা তাবা
প্রোজেক্টশিংদা শরুক য়াশিনমিন্নদুনা ইশাগী শেন্থোক লম্বী অমমম শেম্মিন্নহৌসী হায়না
পাউজেল অসী থমজবনি।
উনবিগদবা মীশক...
থাংজম চনু রোজি হোদাম ওঙবী
মেনেজিং দিরেক্টর
রুরেল একাদেমি ওফ সেল্ফ এমপ্লোইমেন্ট
থাংজমলৈকাই, সোনাই, কাছাড়, অসাম
+৯১ ৮৬৩৮৯ ৪২১৮৯
থবক শূমিন্নসী, হৈনগদবা শিনফম খনমিন্নসী, শেন্থোক লম্বী শেম্মিন্নসী, মীপান
তাংদনা হিংবা পুন্সী অমমমগী মপূ ওইমিন্নসী
Comments
Post a Comment